Animasjon

Denne samlinga tok føre seg bruk av animasjon i ein læringssituasjon. Vi fekk også i oppgåve å lage ein animasjonsfilm. Torsdag fekk vi sjå ein animasjonsfilm som ei 1. klasse hadde laga. Her hadde dei teke utgangspunkt i historia om "Flekkmonsteret". Dei tok bilete av kvarandre, meir eller mindre utkledd, og dernest hadde dei spelt inn replikkar, som dei la til biletet. Dette fungerte veldig bra.

Digitale forteljingar er ein metode for å aktivt å anvende språk og få erfaring med å gi uttrykk for egne meninger, prøve ut et argument, forklare eller fortelle. Animasjonsfilm kan vere ein fin læringsaktivitet.
Å lage ein slik film krev ein planleggingsprosess der alt startar med ein idè, premiss - påstanden som skal visast gjennom filmens handling og hovudkarakterens utvikling, og pitch - kjernespørsmåla handlinga skal byggje på.
Deretter må ein ha ein viss handlingsstruktur eller kurve om ein vil, ein dramaturgi. Her planlegg ein byrjing, oppståing og utvikling av konflikt og til slutt ei avslutning. Dernest utarbeidar ein eit manuskript med handling og replikker, eit dokument som skal vere godt utarbeida og brukast i arbeidet. Så er tida inne for å lage eit storyboard, der alle bildene i filmfortellinga er teikna. Ein noterer lyden ved sida av bileta slik at ein veit kva lyd ein skal kople til kva bilete. Det er også vanleg å lage ei dreiebok for å få oversikt over alle scenene som skal animeres og alt som foregår der. Denne dreieboka består berre av ord. Ein kan lage ei opptaksbok for den del, for å huske på kva som skal skje når animasjonsscener blir spelt inn.

Til slutt kan ein skrive eit refleksjonsnotat og stille seg fylgjande spørsmål:

• Eg valte denne arbeidsforma fordi:
• Eg valte å presentera fordi:
• Dette syntest eg var vanskeleg/lett fordi:
• Dette gjorde eg for å læra:
• Dette har eg lært:
• Eg nådde/nådde ikkje måla mine fordi

Praksis, eit turnmareritt og arbeidskrav til halsen

No er det ei stund sidan sist, og det har sine grunnar.

3 hektiske veke i praksis, etterfulgt av eit dramatisk brudd, sjukmelding i 6 veke, og arbeidskrav opp til halsen! Grunn nok?

Praksis var ei lærerik tid som baud på både utfordringar, oppturar og til slutt nedtur. Elevane var flotte og oppførte seg eksemplarisk, og lysta på yrke blomstra. Så kom ein heilt vanleg gymtime traskande forbi. Klassa var meir glade i turn enn meg, så eg gjennomførte nok ein turn time. Noko eg ikkje hadde føresett var at dette skulle bli min siste. I det eg med all min prakt skulle sveve over bukken, for å vise korleis det skulle gjerast, høyrte eg eit smell, og kjente ein intens smerte. Når eg såg på arma mi var den ikkje rak og rett, men såg meir ut som en hallbrun bana. Det skulle vise seg at både ulma og radius, dei to underarmsbeina, var brotne. Dette resulterte i ein tur på operasjonsbordet.
I gymsalen derimot gjekk det vilt for seg, vart eg fortalt i ettertid for eg sjølv sprang frå klassa og bort til kontordama med den brotne handa i været. 2 spydde momentant, og 1 besvimte og resten grein. Heile neste time gjekk visst med til å roe og trøste elevane, så det vart eit enda større styr enn eg hadde førestilt meg.

I 2 veker var eg fullstendig inaktiv, og det først i dag eg greier å skrive utan smerte. Eg er sjukmeldt 4 veker til og somme dagar er verre enn andre. Eg håpar berre at alt gror fint og at eg snart blir meg sjølv att.

I mellomtida har mine medstudentar på musikk hatt undervisning, og arbeidskrav i fleng. Eg tykkjer det er dårleg lagt opp med praksis i 3. året fordi det blir ikkje samkøyrt med dei andre faga vi tek. Forige praksis ringte læraren min meg opp og var bekymra fordi ho ikkje hadde sett meg på ei stund. Då er komunikasjonen for dårleg. Eg har fortsatt mykje fråvær, sjølv om alt fråværet er i fra då eg var i praksis. Eg håpar dette vil ordne seg.
I dag har eg jobba med arbeidskrav og er ferdig med det meste, deilig!