Rekneark - Ein digital verden full av moglegheiter

Mitt fyrste minne av Microsoft Excell strekk seg heilt tilbake til 2005 då eg byrja med økonomi på Allmenn. Eg tykte dette var eit vanskeleg og lite brukarvenleg program. Dette var kanskje ein litt rask og fordomsfull dom godt påverka av frustrasjon og demotiverte medelevar, samt ein lærar med begrensa kompetanse på både det pedagogiske og teknologiske plan. Eg ville 6 år seinare, då eg gjekk matematikk på lærarskulen, sjå at det var ikkje programmet det var noko gale med, då ein berre må "trykke på dei rette knappane", bokstavleg tala.

Eg, som mange andre, vart overraska då eg høyrde om fleire rekneark enn Excell da dette programmet følger med i Microsoft Office pakka saman med kjende program som Word og Powerpoint. Eg er ikkje kjend med andre rekneark som Open Office Calc og Google Spreadsheet. Desse er da, i motsetnad til Excell, gratis og dermed veldig aktuelle å nytte i skulesamanheng der ressursane kan vere begrensa.

Som sagt var mitt første møte med rekneark så seint som på vidargåande. Eg meinar dette er for seint då ein da berre har eitt år på seg å lære seg dette avanserte programmet. Ein kan gjerne introdusere dette for elevar allereie på barneskulen, men ein må vere obs. på å ikkje legg lista for høgt. Det kan vere nok at elevane får leike seg med reknearket, som å prøve ut addisjon og substraksjon. Faren med rekneark, sett i frå eit matematisk perspektiv, er bruken av = teiknet. Dette betyr jo at den høgre sida av = er lik venstra sida. Dette er ikkje eit operasjonellt verkty som betyr "svaret blir", slik som i ein kalkulator. Og i Excell nyttar ein = teiknet på ein heilt annan måte att, der ein må byrje reknestykket i cella med = for å få til ei utrekning. Det er altså viktig å vere klar på at = teiknet betyr det "det same som" og ikkje "svaret blir", for når ein til dømes jobbar med algebra må ein tenkje at: a + 2 = b - 1. For å forstå dette utrykket må ein vere kapabell til å sjå på = teiknet som "det same som" og ikkje eit operasjonellt verkty.

Vidare er det i fylgje Kunnskapsløftet (LK06) ei av dei fem grunnleggjande ferdigheitene å kunne bruke digitale verkty. Dette betyr at undervisninga i alle fag skal bestå av digitale verkty. Ein kan kanskje tenkje at dette er umogleg i praktiske fag som kroppsøving, men dette er berre opp til lærarens kreativitet. Ein kan til dømes føre treningsdagbok i Excell over eit gitt tidsrom i til dømes styrketrening, og sjå korleis prestasjonane forandrar seg frå veke til veke.